Shillong 10 Rymphang: Ha kine ki sngi,thnam puk sa kata ka kam(issue) shaphang ka Artikle 371 ban wanrah ha Meghalaya jongngi.Don ki political parties kiba kyrshan,don pat kiba pyrshah ia ka.Ki paidbah bapli,kim sngewthuh shuh,tip kaba biang ne ka bym biang.Lada ki nongialam ki nang ban kren bad pynshongshit ban kyrshan, kata,shaid la thap kti bad shongshit lem ki paidbah.Lada ki nongkren ki nang pat ban pyrshah ruh,shaid thap kti bad pyrshah lang ki paidbah.Ki paidbah imat,ki long tang kum u siej ne u kdait, kat sha ba beh ka lyer,kata,shata ki kloi ban kohnguh. Hangne,ngim kwah ban pynksan ne pyrshah ia katei ka Artikle.Ngim kwah ruh ban pyni ia ki jingmyntoi(advantages) ne jingduh jingmyntoi (disadvantages), hynrei ngin shu kdew tang ia ka rukom wanrah ban pyntreikam iaka(practicality). Ha ka jingshisha,katei ka kam ne issue ka dei hapoh ki bor pyniaid jong ka state goverment,nangta pat kan sa poi sha Delhi ne Parliament ka ri India kaban ka ai ka jingmynjur(amendment) ia ka.Lada kam iaid kumta,katei ka issue kan long tang kum ka jingphoh sniew ruma jongno re jongno.Kan nym lah satia ban urlong(not feasible). Ngi la iohi ba 7 (hynniew) snem mynshwa,ka issue ILP bad jingpynrung ia ka ktien Khasi ha ka 8th scedule ka la thnam bha hi puk hapoh ka jingialam jong ki Seng Bhalang ha kito ki por.Kitei ki issue ki la lah shisha ban pynngeit ne pynkohnguh(convinced) wat ia ka Meghalaya Legislative Assemble ban mynjur da kaba suk(consensus) ha kito ki por.Lah suk ka pyrthei jai ba la ioh jingmynjur(passed Resolution) da ka Assembly da kaba khmih lynti ba shen kan sa longkam shen ka ILP bad ka ktien Khasi ha 8th Schedule.Ynda la leit rah ban iakren sha Delhi,ka Delhi kam patiaw satia haduh ba ka shu sah pongding(pending) haduh mynta mynne.Ka la shu sahkut ldui ha suin(hang in the balance). Mynta pat,don sa ki party kiba pynkhih sa ia ka Article 371, sngew kumba kaba suk eh ba kan wan ha Meghalaya.Ka party kaba don shabar jong ka sorkar ha Meghalaya, kan shitom bha shibun wat tang ban ioh jingmynjur(passed Resolution) hapoh State Assembly ruh.Nalorkata,tang uwei u MP ha Parliament(Lok Sabha) nalor ba don shabar jong ka sorkar ha Delhi,hato, u lah seh mo kat ban pyngeit ne pyngkohnguh ia ka sorkar India ha Parliament jong ka.Wat kaba la dep ai jingmynjur (passed) da ka Assembly ia ka ILP bad ktien Khasi ha ka 8th schedule ruh,sohsat bad kyllain jalybi ka sorkar Delhi haduh katne katne.Hato! tharai! kane ka jingkwah wanrah ban pyntreikam sa ia kane ka Artikle 371 kan urlong shisha ha ka ri jongngi? Sngewsih ban ong,ba ioh ka sahkut biang ldui kumba long kitei ki Issue ILP bad ktien Khasi ha ka 8th schedule ioh long shuh pynban tang kum ka jingphoh sniew khlem long kam(only dreamt but not in reality).Ki paidbah kidei ban pyrkhat bha ioh shu shah thok ei kha- ma- kha man ha ki nongialam man la ka por.
Phi don ban ong eiei?