Bamduh ka ding ia ka kudam buh tiar ha Umsohsun, kumba 70 lak eiei ka jingduh

Shillong 10 Rymphang: Ha ka step jong ka 10 tarik Rymphang kawei ka kudam buh tiar jong u Anuj Bawri kaba don ha ka Buliding Joavon Towers kaba la long trai da i kong Jone manners kaba don ha umsohsun marpyrshah ka Bata building kynsan kynsan ka la kem ding bad baroh ki tiar kiba don ha kudam ki la ieng lut. 

Kane ka jingjia kem ding katei ka kudam kadei ka ba la jia ha kapor kumba 11.15Am eiei. 

Ha ka jingioh lum jingtip lyngba u trai jong katei ka Kudam u bym kwah ban kren Lyngba ka kor ringdur, u la iathuh, ba ha katei ka Kudam ki don ki tiar electronic good bad computer good bad ka jing lut kum ba shu khien antad ka lah poi sha ki 70 lak ei2, namar baroh ki tiar kiba don ha kudam ki la ienglut.

Haba kylli halor ka jingkem ding jong ka kudam, u  la iathuh ba ympat lah ioh jingtip kaba tikna, hynrei la shu antad ba ka lah ban dei da ka jing short circuit jong ka ding electric. 

Mar ia ioh jingtip halor katei ka jingjia na ka liang ki pulit pynlip ding mar mar ki ka poi sha katei ka jaka ban tem ia ka jingkem jong katei ka ding.

Kum ba long mynta na ka liang ki pulit ki la lah ban pynlip ia ka ding.