Shillong 10 Rymphang: Ka Exam Secondary School Leaving Certificate (SSLC) ba la pyniaid da ka Meghalaya Board of School Education (Mbose) ne ka Matrik, ka la sdang mynta ka sngi nyngkong ka 10 tarik u Rymphang 2025, ha ka ba la sakhi ba ha kane ka sngi sdang ki khynnah ba ialeh ia kane ka exam SSLC ki la iawan lut baroh.
Haduh kumba 64,369 ngut ki khynnah ba ialeh ia ka exam Secondary School Leaving Certificate (SSLC), ba la pyniaid da ka Meghalaya Board of School Education (MBOSE) bad ki khynnah ba ialeh ia ka exam Higher Secondary School Leaving Certificate (HSSLC) ki don haduh 29,770 ngut ka ban sa sdang naduh ka 18 tarik Rymphang 2025.
Ki jaka thoh examine na ka bynta ka SSLC ha baroh kawei jong ka jylla Meghalaya ki don haduh 164 tylli, kata 93 tylli kidei ha Shillong Region ba kynthup ha Rilum Khasi bad rilum Jaintia bad 71 tylli kidei ha Tura Region ki ba dei sha ki thain rilum Garo.
Ki khynnah shynrang ba ialeh ia ka exam SSLC kidon haduh 26,517 ngut bad ki khynnah kynthei pat ki don haduh 37,852, kaba kynthup ia ki kyrdan baher bapher kata Regular – I: 29973, Regular – II: 16028, Private: 1455, Non Regular: 1884 , Improvement: 21 bad Compartmental: 15026.
“Baroh ki khynnah ba ialeh ia kane ka exam SSLC jong u snem ba mynta, kin ioh ban thoh biang sa shisien ia kane ka exam lada ki phil, kata tang ia ki subjek ba ki phil”.
Ha ka ba iadei pat bad ban pynduh noh ia ka exam SSLC, haduh mynta ym pat tip eiei la ka sorkar kan pynduh noh ne-em ia ka exam SSLC, hynrei lyngba ka kynhun myntri jong ka sorkar jylla ka la pynkylla, ba ia ka exam SSLC jong u snem ban wan yn sa pynialeh noh ha u bnai Nohprah (December).
Phi don ban ong eiei?