Ha ka rta ba 97 snem, khlad noh u Pastor R.W Syiem, uba dei ruh u President ba nyngkong ka RBYF

Nongpoh, 09 Rymphang: U Pastor R.W Syiem, Pastor rangbah ka Ri Bhoi Presbyterian Synod bad uba dei ruh u President ba nyngkong ka Ri Bhoi Youth Federation (RBYF) Sengkmie, u la khlad noh hynnin ka sngi hapoh ka iingsah jong u kaba don ha shnong Umsawnongbri, Ri Bhoi.

Ia u Pastor R.W Syiem, la kha ha ka 3 tarik u Lber jong u snem 1928 bad haduh ka sngi kaba un khlad noh ha sla pyrthei, u la don ha ka rta kaba 97 snem bad ka jingleit ontep ia utei u Pastor kan dei ha ka 10 tarik hapoh u Lum Jingtep ka Balang Presbyterian ha Umsawnongbri bad ka jinglehniam kan sdang naduh ka por 11 baje mynstep.

Nyngkong kum u nongialam sengbhalang bad hadien pat kum u Pastor, u Pastor R.W Syiem, u la leh shibun ki kam babha, la ka long na bynta ka RBYF bad kumjuh kum u Pastor na ka Balang Presbyterian Umsawnongbri.

Haba iadei bad katei ka jingkhlad noh u Pastor R.W Syiem, ka RBYF lyngba u Bah Bipul Thangkhiew, President rangbah ka seng, u la phah ka kyrwoh sngewlem sha ka iing ka sem jong u Pastor R.W Syiem.