Shillong 09 Rymphang: Ha ka jingkhynra jong ki bor pulit ka North Garo Hills District,ha kaba kawei ka thuk thuk ka la shah tuh na Matia Police Station Goalpara, ki pulit ki la ioh biang ia katei ka thuk thuk ha ka 08 Tarik Rymphang 2025, bad la ioh ban kem noh ia ki briew ki ba donkti ha Kane ka kam tuh
Ha ka jingkhynra ba la ialam khmat da u IC Dainadubi OP ryngkat bad ki Pulit ka Assam, kem bad ki Pulit ka Wageasi OGC, ki la ioh ban kurup ia kawei ka thuk thuk pulsar ka ba don ia u registration number AS -18 K 3422 ha Wageasi. Nalor kata, la lap sa ia kawei ka thuk thuk ka ba don ia u registration number AS-01 FF 1309 na Gairong Bazar.
Ha Kane ka jingkhynra jong ki Pulit la ioh ban kem ia ki san ngut, ki ba kynthup ia ia u Rockstar M Sangma bad u Sanstar A Sangma ki ba dei na Bagmara, Dabigiri, u Fosirul Hak na Sildabari, Goalpara, u Rofiqul Ali ja la jutip ruh u Nabar Ali 27 snem ka rta na Nayapara(Digpara), bad u Rakibul Islam 28 snem ka rta na Nagarbera (Paharpara).
La iathuh ruh, ba ia kitei ki thuk thuk ba la shah tuh la thmu ban kit sha Rongara ban pynpoi sha Ri Bangladesh.
Baroh kitei ki runar ba la shah kem la aiti noh sha ophisar ba dei peit ia ka thanat Matia Goalpara District na ka bynta ban tohkit bniah bad ban leh ia ki kyndon aiñ ki ba biang.
Kane ka jingioh ban kurup kloi bad ban kem ia ki runar ka pynpaw ia ka jingkitkhlieh jong ki bor pynjari aiñ ha kaban ialeh pyrshah ia ka jingtuh kali tuh arshaka bad ban shngaiñ ha ka imlang sahlang.
Ki Pulit ki la kyntu ruh ia ki paidbah ban pyntip ia kino kino ki kam suba khnang ban ioh ban iarap ha kapor ka ba biang.
Phi don ban ong eiei?