Shillong 03 Rymphang: U bah Synshar Kupar Roy Lyngdoh Thabah u kyrtong na ka seng United Democratic Party (UDP) na 22-Sohïong-Nongspung konstitwensi mynta ka sngi nyngkong ka 03 tarik Rymphang 2025, u la leit ban thep kyrteng ialade hakhmat u Returning Officer u bah PT.Pasah ha DC Ophis, Shillong, shwa ba un pyntikna ialade kum u kyrtong ba pura ban aireng ha ka ilekshon MDC sha District Council.
Ia u bah Synshar Kupar Roy Lyngdoh Thabah u ba dei ruh u MLA ba mynta ka Sohïong konstitwensi la wan ban synran da ki ba ha ïing hasem haryngkat ruh bad ki nongkyrshan jongu.
Ha ka jingiakren bad ki lad pathai khubor hadien ba la dep ban thep kyrteng nakaliang u bah Synshar u la ong, ba ym don pisa ban thied ia ki paidbah hynrei u thied ia ki paidbah da ka jingieid.
Haba kylli pat, ba hato kadon ka jingbym ia Sngewthuh jingmut bad u bah Nathaniel u khun bah HDR, ba u hap ban ieng iakhun hi ha kane ka ilekshon, nakaliang u bah Synshar u la jubab da ka ba ong, ba kum kata kam don ban ong ban iapher jingmut, hynrei baroh kidon la kajong ka jingkwah ban iakhun ia ka ilekshon, nalor kata u la kyntaid ruh, ba kam don ka jingiapra shi ïing halor ka jingia aireng shi bakha trai.
U la pynpaw, ba lada ki paidbah ka Nongspung-Sohïong ki jied ia u ban long u MDC, u la kular ban pynkhlaiñ shuh shuh ia ki aiñ ki ba la don lypa hapoh District Council bad ki Hima kata ka Hima Nongspung bad ka Hima Sohïong bad kadon ruh ka shnat Hima ha Nongwah Mawtamur ka badei khappud bad ka Assam, da ka ba u kwah ba ki nongshong shnong ha katei ka jaka kin shongsuk shong shngaiñ.
Shuh shuh u la ong, ba Ki mad ki ba hakhmat eh ki ba u buh kalong, ha kaba iadei bad ka Grassroots, ban peit ia ka khuid ka suba ka ba dei ruh ka solid waste management bad u kwah ba ki shnong ki Hima, ki Elaka ki ba don hapoh District Council kidei ban don ia ki pud ki sam kiba biang (Proper Boundaring) bad ka jingpynwandur kaba biang (Proper Maping).
Phi don ban ong eiei?