Thaw seng ka kong Fenella ha Nongstoiñ

Nongstoin, 03 Nohprah:
Hadien ka jingkut noh jong ka elekshon shiteng samoi na ka Nongstoin Constituency, ka kynhun jong ka kong Fenella Lyngdoh Nong lait kiba la ia kyrshan tyngeh ia ka ha katei ka elekshon kila sdang ban pynkhreh ia ka elekshon 2018 da kaba thaw noh da kawei ka kynhun kaba la tip kum ka Nongstoiñ Independent Council.
Ia katei ka jing ialang la pynlong ha phyllaw jong ka Ri Khasi Free Morning School, New Nongstoin myn ha ka sngi nyngkong jong ka taiew bad  da ki spah ngut ki nongialam bad nongbud jong katei ka kynhun ki la wan sha katei ka jinmgialang, na ka bynta ban lum ban lang ia ki para nongshong shnong ban ia pyrkhat halor ka lawei jong ka thain bad ka jaitbynriew. Ha katei ka jingialang la jied ruh ia ki nongkitkam ba shipor jong katei ka kynhun ha kaba ka kong Fenella Lyngdoh Nonglait ka la long ka khliehduh ban ialam ia katei ka seng, u Bah J.G Rynniaw kum u Vice Chairman, u Bah Mumral Lyngdoh , General secretay, bah Reeboklang Kharbuli , Asst. Secretary, bah Yespar Wahlang, Finance Secretary bad kiwei kiwei.
Katei ka kynhun ka la jied ruh ia ki nongialam jong ka Women Wing bad kumjuh la thaw ruh ia ka Youth Wing ki ban trei borbah ban pynsngewthuh ia ki samla bad ki longkmie halor ka thong ba katei ka kynhun ka don ban trei na ka bynta ka thain, ka ri bad ka jaitbynriew hi baroh kawei.