Ia pyni bor ka KHADC bad ka sorkar, na ki Rangbah Shnong

Shillong, 3 Nohprah:
Kham mynshuwa ka sorkar jylla ka la pynmih ka jingpynbna ba ka jingpynbna ka KHADC ia ka Khasi Hills Autonomous District ( Appointment and succession of Chief and Headmen) Rules 2015 ha ka Gazette of Meghalaya ka dei ka bym shym la ioh bor ,bad ia katei ka jingpynbna ka KHADC ia katei ka rules jong ka la ia kren ruh ha ka 5 tarik u naiwieng ha ka jingiakynduh ki Rangbah shnong ia ka sorkar kaba la batai bniah shaphang katei ka rules da u Chief Secretary ka jylla u bah Barkos Warjri. Hynrei hadien katei ka jingkren u CS u ba Pynshngaiñ N syiem u la ther kylla ia u ha kaba u la ong ba ka kyrdan u CS kam pat dei ban batai stad ia ki aiñ bad u la kyntu ruh ia ki Rangbah shnong ba kin pyndonkam beit ia katei ka bor kaba la pynkup ha ki lyngba ka sanad.
Mynta ka sngi ruh ka Sorkar jylla ka la pynmih ia ka jingpynshai ba ka jingpyllait ia ka Jingpynbna No. DC/L/VII/3/2015/5/1754 tarik 20 u Nailar, 2015 da ka Khasi Hills Autonomous District Council, Shillong ha ka Gazette of Meghalaya (Extra-Ordinary) No. 92, jong ka 21 tarik u Nailar, 2015 ka long kaba khlem ioh bor. Ia kane la pynshai da u Commissioner & Secretary to the Government of Meghalaya, District Council Affairs Department.Ka sorkar ka la pynmih ia ka jingpynshai hadien ba ka KHADC ka la pynbna ia ka “Khasi Hills Autonomous District (Appointment and Succession of Chiefs and Headmen) Rules, 2015” kaba la pynmih ha ka Part-IV jong ka Gazette of Meghalaya (Extra-ordinary) No. 92 kaba 21 tarik u Nailar, 2015, 2015Na ka bynta ka jingtip paidbah, ka Sorkar ka la pynbna ba katkum ka Paragraph jong ka Lynnong XIV jong ka Meghalaya Secretariat, Manual of Office Procedures, 1993, ia ka jingpynbna ha ka Gazette (Extra-ordinary) lah ban pynmih tang hadien ba la ioh jingmynjur na ka tnat Printing and Stationery lait noh tang lada la pyllait kyrpang ia kane ka bor kum ha ka jingpynmih ia ki Acts da ka Law Department lane kiwei ki jingpynbna jong ka Assembly Secretariat bad Election Department. Nalor kata, ka Paragraph 186.6 jong ka Manual ka batai shai ba ia ka jingpynbna ban pynmih ha ka Gazette (Extra-Ordinary) lane ia ka shithi ban phah pynmih ia ka Jingpynbna dei ban soi da u Secretary lane, haba um don, dei ban soi da u ophisar uba ha ka kyrdan jong u Deputy Secretary. Ka sorkar ka la pynshisha ba kam shym don ka jingbud ia kita ki kyndon ha kaba pynmih ia katei ka Jingpynbna haneng ha ka Meghalaya Gazette (Extra-ordinary) kaba 21 tarik u Nailar, 2015, ong ka khubor na ka tnad pathai khubor ka sorkar jylla.Hynrei lah ban pynkynmaw ba dang khyndiat sngi mynshuwa ki Rangbah shnong ha ka jingthoh kaba ki la ai sha ki kotkhubor kila kyntu ia ki Rangbah shnong ba kin treikam khlem jingartatien halor ka bor ba ki la ioh na katei ka Rules 2015 lyngba ka sanad jong ki.