Ngim pat tip katno ka jinglut ban shna iing dorbar, ong u Mondal

Shillong, 03 Nohprah: U Lamphang ka iing dorbar u AT Mondal u la ong ba haduh mynta ym pat lah ban tip katno ka jinglut na ka bynta ban shna ia ka iing dorbar thawain namar ba ym pat dep pynkhreh ia ka Detailed Project Report (DPR).
“Ngim pat lah ban tip katno ka jinglut na ka byna ban shna ia ka iing dorbar. Ngin sa tip tang hadien ba la dep ban pynbiang ia ka DPR”, la ong u Mondal haba iakren mynta ka sngi bad ki nongthoh khubor.
U la ong ba ia mynta la dep khot ia ka Expression of Interest (EOI) na ki kompeni ba kwah ban shim ban long kontraktor ban shna dur shna dar. “Ngi la dep thep ia ka jingkhot ha website ka sorkar. Bad hadien ba la dep jied yn sa pynpreh ia ka DPR bad yn sa buh bor ban pyndep”, la ong u Lamphang. Ha kawei ka liang, u la ong ba kam don satia kano kano ka jingthmu ban pynlong ia ka dorbar tlang ha kane ka kynti.U la ong ruh ba kam don ka jingiakren ban pynlong ia ka dorbar tlang sha Tura. “Kam don eiei ka jingthmu ban pynlong dorbar tlang shaTura”, la ong u Mondal.