Nongpoh, 21 K’lyngkot: Bun ngut ki heh nongialam ka na ka Party Congress bad TMC ha Jirang, mynta ka sngi ki la rai ban pyniasoh noh ïalade sha ka NPP bad ia kitei ki heh nongialam ka Congress, la pdiang sngewbha da u Bah Sosthenes Sohtun, MLA Jirang bad uba dei ruh u kyrtong ka NPP ha kane ka Ilekshon MDC na Jirang Constituency.
Na ki heh nongialam ka Congress ha Jirang bad kiba rung sha ka NPP, ki kynthup ia u Abraham Sangma, Adviser ka Jirang Block Congress Committee, (JBCC), nangta u Markus Sangma, Vice-President ka JBCC, u Bijoy Ronghang, Joint Secretary lem bad kiwei, ha kaba la pdiang sngewbha ia ki ha shnong Nongthymmai, Byrnihat.
Katba ia ki nongialam hakhmat jong ka TMC Jirang Block lem bad ki katto katne ki nongialam ka Congress na ki Unit na ki shnat treikam bapher bapher, la pdiang burom ha 13mer Tamulkuchi. Na ki heh nongialam ka TMC kiba la pyniasoh sha ka NPP ki kynthup ia u Jamilson Sangma, President ka TMC Jirang Block, u Rickstar Sangma, nalorkata ki don pat sa ki nongialam bad nongkyrshan Party Congress na ki shnat treikam bapher bapher, ki la rung noh ïalade sha ka NPP, ha kaba la pdiang sngewbha ia ki da u Bah Sosthenes Sohtun, ha ryngkat ka jingdon kiwei pat ki nongialam ka NPP Jirang Block
Phi don ban ong eiei?