Shillong 21 K’Lyngkot: Ha ka lah sngi u Blei kata ka 20 tarik Kyllalyngkot 2025, ka la mih ka jingiakynad ka bajur bha ha Madan Umjar ka ba hap hapoh ka Mawkynrew Blok, ha ka ba kane ka jingiakynad ka la mih hadien ba ki paidbah ki la pyrshah ia ka jingwanrah ia ka skul jong ka Ram Krishna Mission.
Ka jingiakynad ka la mih hapdeng ki bor pulit bad ki paidbah nongshong shnong ku ba la leit ban tur ha katei ka madan bad ki bor pulit ki la khang bad da la jingbymlah ban khang ki la kawang syndon da ki tear gas sha ki paidbah, haduh ba ka la poi haduh upud jong ka jingiaktahkti bad ia khynñiat.
La sakhi ruh ba ha katei ka sngi ki bor pulit ki la sei syndon da ki lathi bad siat da ki tyndong lyer pynsat khmat haduh ba ka la don ruh ka jinglynsaw nakaliang ki longkmie.
Haba iakren bad u Rupang mynta ka sngi ka 21 tarik kyllalt 2025, u bah S.Mukhim U ba dei u Excecutive member jong ka Dorbar shnong Mawkynrew ha kaba ia dei bad ka jingmynsaw jong ki longkmie ula iathuh, ba kidon haduh 7 ngut ki longkmie ki ba la mynsaw naka jingshah kawang tear gas ha ki pulit kynthup kawei ka longkmie ka ba dangpun khun.
Ula iathuh, ba ia ka longkmie ba dang armet ka ba la mynsaw jur la pynkit noh sha Nazaret Hopital, Shillong hynnin ka sngi bad la pyndep ia ki check up bad ki test baroh.
U la iathuh ruh, ba hadien ka jing pyndep ia ka check up kam don kano kano ka jingma nakabynta i khunlung I ba dangdon kumba San bnai eiei hapoh kpoh bad ka longkmie ruh kumjuh bad hynin hi ka sngi ki doktor kila phah ban leit phai noh sha shnong.
Phi don ban ong eiei?