Pynbna kyrtong shuh ka UDP, kynthup ia u MLA ka Sohiong ban iakhun MDC

Shillong:Mynhynnin ka sngi, ka UDP ka la pynbna shuh ia ki kyrtong ban iakhun ia ka MDC elekshon sha ka KHADC bad JHADC.

Kiba pynbna mynhynnin ka sngi, ki kynthup ia u MLA ka Sohiong u bah Synsharkupar Roy Lyngdoh ban iakhun na Nongspung-Sohiong, u bah Anthony Kongwang na Nongshken, bad bah Liteibor S Bareh na Jirang sha ka KHADC.
Kiwei pat ki kynthup ia u bah Mewan Pasi na Nangbah-Mihmyntdu sha JHADC.
Haduh mynta ka UDP ka pyniakhun 3 ngut ki MLA ba kynthup ia u bah Beyond Mathew Kurbah na Mawphlang-Diengiei bad bah Pius Marwein na Langrin.

Baroh kiba la pynbna ki kyrtong ka UDP ki don 22 sha KHADC bad 17 ngut sha JHADC. “Ha Jaintia Hills, lada shu kwah ban tam nangne nangtai, ngi ioh lut ia ki kyrtong hynrei ngi hap ban puson bha, hynrei ngim shym la pynbna ia ki kyrtong namar ba ki paidbah kim nym ai ka jingkyrshan”, la ong u bah Metbah.