Husiar na ka kompeni thok

Shillong, 1 Nohprah:
Ki pulit ki la pyntip paidbah ba ka don kawei ka kompeni thok kaba la tip kum ka NACS Ltd kaba la pynbna ba ka jaka ba ka don ka dei Udham Singh Nagar, Dehradun, Uttarakhand ki pulit ki la ong ba katei ka kompeni ka la pynbna ba ki lait haduh 7000 tylli ki kam bad ka la pynbna lyngba ki website jong ka ‘http://nacsindia.in’, . Kipulit ki la ong ba katei ka kompeni thok ka buh khnang kum katei ka jingpynbna ban pynbiej khamtam eh ia ki samla ka dong shatei lam mihngi. Katei ka kompeni ka la kam ba ka la rejistar hapoh ka Public Sector Undertaking Act (PSU) Government of India, hynrei kam shym la don satia kaba kum katei ka Act ha ki kot Aiñ ka ri India bad ka ophis katei ka kompeni ruh kam don satia ha katei ka jaka kumba ka la pynbna. Katei ka kompeni ka la buh ruh ia ka dur u myntri rangbah duh ka ri ha ka website jong ka bad ka la kam ba ka don bun ki ophis jong ka kylleng kylleng. Ki pulit ki la kyntu ia ki samla ba kim dei ban sha pynbiej ha kum katei ka kompeni.