Ba thmu pynbaptis biang ia kiba la dep pynbaptis, khang ka DC ban leit jingiaseng ha Ksehpyndeng

Shillong:Ka ophis jong ka Deputy Commissioner, East Khasi hills, ka pyntip, ba namar ba ka don ka jing ia kynad hapdeng ki ar kynhun ha ka balang Presbyterian ha Ksehpyndeng, kaba hap ha Mawryngkneng Police Station bad ba ka don ka kynhun kaba thymmai, kaba thmu ban pynbaptis biang ia ki dkhot balang kiba la dep pynbaptis kham mynshwa, ha kane ka sngi U Blei ka ban wan bad ba la pyrshah jur da kawei pat ka kynhun kaba rim.

Ka ophis jong ka Deputy Commissioner, East Khasi hills, ka shim ba kane kan lah ban poi sha ka jingiakynad ha ka shongsuk shongsain bad kumta ka la pynjari noh da ka kyndon 163 jong ka BNSS bad la maham ban ialum lang ha katei ka jaka jong ka jing ia kajia bad ia kito kiba ialeh pyrshah, yn pynhap ha ki kyndon jong ka 223 jong ka BNSS bad la pyntreikam ia katei ka kyndon, naduh mynta ka sngi, ka 3tarik Kyllalyngkot 2025.