Lait u heh spah da ka said, shah rah 2ngut ki nongtrei ha Shallang

Nongstoin, 30 Naiwieng:
Hynnin ka sngi ha ka por 5.30 janmiet; ar ngut ki nongtrei jong uwei u heh spah khaii dewiong, uba la ju tip kyrteng kum U Vincent, ki la shah rahbor; ha ki katto katne ngut ki briew ki bym shym la tip satia.
Ka tyllong khubor ka iathuh ruh ba kitei ki briew ba la suba ba ki dei ki kaikhlaw, ki la wan rung jubor sha ka jaka sah jong u tei u heh spah, da ka jingthmu ban rah bor ia u; hynrei na ka liang jong u tei u heh spah, u la lait phet noh na ka kti jong ki suba kaikhlaw bad ula ioh lad ban leit pyntip sha ki pulit jong ka Shallang.
Ki pulit ka Shallang,  mar ia ioh jingtip ia katei ka jingjia ki la hiar mar mar sha katei ka jaka, hynrei ha shuwa ba ki pulit kin poi, ki tei ki kynhun kai khlaw ki la ioh ban rahbor noh ia ki ar ngut ki ba kynthup ia u Johnstarly Lyngkhoi 26 snem ka arta u ba dei ruh u ba haiing jong u Vincent bad u wei pat u John Paul Kharsyiemiong 25 snem u ba dei u nongniah kali jong u Vincent.Na ka liang jong ki pulit haduh mynta ki dang iai pynlong ka jingthwet kaba jur khnang ban lap ksai ia ki tei ki  kynhun kai khlaw bad ruh ban ioh pyllait ia ki tei ki ar ngut na ka kti jong kitei ki kynhun kaikhlaw.