Tang na ka Instagram account U Bryan Adam, ki don da ki million ngut; u buh da ka dur, kaba u wan shane sha Shillong, ong u bah Paul

Shillong:U myntri ba dei khmih ia ka kam jngohkai pyrthei ka sorkar jylla, u bah Paul Lyngdoh ula pynpaw ba ka jingkren u nongialam jong ka VPP u bah Ardent M Basaiawmoit ka long ka jingkren bym don ka jingkit khlieh.

Dang shen u bah Ardent haba kren ha ka jingialang ha Smit, ula kynthah ba ka sorkar ka pyrshang ban pynbiej ia ki paid bah da kaba wan rah ia ki nong rwai nabar ri kum u Bryan Adam bad kiwei ki tamasa.
Haba kren ha kane ka sngi Saitjain, u bah Paul ula ong ba tang na kawei ka concert jong u Bryan Adams ia ki jing myn toi ka sdang shwa tang na ka Instagram account jong u Bryan Adam kaba u don da ki milian ngut ki nong bud kaba u la buh syndon ia ki dur jong u shane sha Shillong.

Shuh shuh u bah Paul u la bynrap ba ha kane ka jingwan haba pdiang burom ia u Bryan Adams da kaba pynkup ia u da ka ryndia, u bah Paul u la kam ba ka la pyn sngewtynnad ia une u nongrwai na Canada ia kane ka jain kup, tad haduh ba u la pan shuh shuh sa kumba 12 tylli ki ryndia ba un ioh rah rneng sha la ka jong ka ri.
U Bah Paul u la ong ba ka jingthmu haba pynlong ia ka concert ka long ban khring ia ki nongwan jhngoh kai sha kane ka jylla bad kiba iohnong pat dei ki briew lajong suda.

Haba jubab pat ia ka jingkylli ia ka jingdiaw ki kmie ki kpa ba ha kane ka jing wan u Bryan Adams ka la don ruh wat ka jingkhang syndon ia ki skul, u bah Paul hangne u pyn kyn maw ia kaei kaba la dep ban jia ia ka jingkieng dam ha kaba ki briew ki la buh jingkylli ia ka sorkar ba balei kam leh eiei ban shna ne maramot ia kane ka jingkieng.
Ynda haba ka sorkar ka la khang ban iaid na kane ka jing kieng na ka bynta ban maramot pat ia ka, ki briew ki khnium kylla ba balei hap ban ap sah ban ioh ban iaid lyngba biang jong kane ka jingkieng, kumta, u la ong ba ki juh ki briew hi kiba ong ba balei ba khang ia ki skul bad kin dei ki juh hi ki briew kiba lada jia ba plie ia ki skul kiban dumok ia ka sorkar.