U Bah Wanseng Jyrwa ka Mawlai Block Congress sha ka ilekshon MDC

Shillong:Ka Mawlai Block Congress Committee ha ka sngi Saitjaiñ ka la tyrwa ban phah da ka kyrteng u Bah Wanseng Jyrwa kum u kyrtong ban aireng ha ka ilekshon MDC ka ban sa wan.

Ïa kane ka rai ka Mawlai Block Congress ka la shim ha ka jingïalang ka kaba la pynlong ha Mawlai Nongkwar, bad ïa ka kyrteng jong u Bah Wanseng la rai ban phah sha ka Meghalaya Pradesh Congress Committee (MPCC) da ka jingmynjur lang ki nongkyrshan bad ki nongtrei jong ka seng Congress.

Ha kane ka sngi ba la tyrwa ïa ka kyrteng u Bah Wanseng la sakhi lang ruh da ki nongïalam ka MPCC, nalor ki nongïalam ka Mawlai Block Congress ryngkat ki nongkitkam ka Mawlai Mahila Block Congress, ka Mawlai Youth congress, ki nongkyrshan ka seng Congress.

U Bah Wanseng u Deputy Rangbah Shnong barim ka Mawlai Nongkwar bad u dei u nongbud ba ïajan bha bad u MLA/MDC barim ka Mawlai, Bah PT Sawkmie haduh ka ilsekshon MLA 2023.