Lah ban long MDC shu sieh U CEM barim

Shillong, 30 Naiwieng:
Mynta ka sngi ka la don ka jingialang jong ka Executive Committee ka KHADC bad ha katei ka jingialang la ia shong pyrkhat na ka bynta ban jied ia u MDC shu sieh ha katei ka District Council. Ha katei ka jingialang ka PDF ka la aiti beit ia katei ka kam ha ka jingstad u Chief Executive Member ka KHADC u ba Pyn shngaiñ N Syiem ban jied ia u MDC shu sieh. Hynrei katkum ki lad khubor kiba la ioh lum la iathuh ba u bah Pynshngaiñ u noh ka mon ban jied MDC shu sieh da uwei na ki nongialam jong ka Synjuk Ki nongsynshar Shnong, hynrei haba wad jingtip kaba kham bniah la iathuh ba u bah C.B Syiem, CEM barim ka KHADC u lah ban dei u MDC shu sieh ha kane ka kynti ba mynta.