Shillong 12 Nohprah: Ka tnat Commerce & industries jong ka sorkar jylla mynta ka sngi palei ka 12 tarik Nohprah 2024 ka la pynlong ia ka program kum ka jingai jinghikai ne training na ka bynta ki nongseng kam seng jam lajong, ba la pynlong ha IIM, Shillong.
Ka jingpynlong ia katei ka prokram kalong shibynta kumno ban pynroi ia ki nonghikai jong ki MSME mentor development program (MMDP) na ka bynta ki nongseng kam seng jam khnang ban pynkiew bad pynsted ia ka jingtreikam jongki, ka ba la sdang naduh ka 9 tarik mynta u bnai Nohprah bad la pynkut noh mynta ka sngi ka badei saw sngi lynter.
Ha kane ka sngi ladon haduh 50 ngut ki ba sengkam sengjam lajong, ba kynthup na baroh ki 12 tylli district la kalong ki ba suh jaiñ, ki ba shna tiar shan tar, ki ba shna umngap, nalor kiwei kiwei de ki jaitkam. Kumjuh ruh la ailad ia kitei ki ba wan ha kane ka program kum ka jingia ai jingmut lang ban kren ne pynpaw eiei.
Ki longkmie bad longkpa ki ba long ki nong sengkam lajong ki la pynpaw, ba lyngba kane ka program ka ba long kum ka jing ai jingmut lang baroh ba kumno ban long kum ki nongaimynsiem (mentor) ban iatreilang.
Ki la pynpaw ruh, ba Khamtam eh ia ki ba dang ia pyrshang ha kaba iadei bad kane ka kam bad ki la ong, ba ngi la ioh ki jinghikai, jingmyntoi ki ba bun lyngba ka jingpynlong ia kum kine ki program. kumba ka sorkar ka angnud ban pynkiew ia baroh ki ba don ha ka kam ka jam lajong ka sorkar kadei ban iarap iaki ban nangpynpynroi kham sha khmat shuh shuh, la ong kitei ki nong sengkam lajong.
Shuh shuh ki la ong, ba Kalong ka jingmyntoi shibun nakabynta kane ka jinghikai, ha ka ba bun nakaliang ki nonghikai ki la ai ka jinghikai ban pyniar ia ka kam ban ioh ka ka iew ka ba bit ka ba biang.
Ha ba kren ha kane ka sngi, Nakaliang ubah M.L Wanshnong directorate of commerce And Industries uba long u kongsan ha kane ka program ula aimynsiem ia baroh ki nongpyniaid Ki nongseng ia ka kam lajong, ba kumno ban wanrah ha baroh ki dong ki thain ban hikai ia ki paidbah bad ban aikam lang ia kiwei ruh.
Phi don ban ong eiei?