Shillong 12 Nohprah: Ka jingkren jong ubah Sanbor Shullai uba dei u MLA na South Shillong Konstitwensi, ka ba u ong, ba ha Meghalaya ym don sang ban bam ia kino kino ki mrad, la kalong ki doh bseiñ, doh Ñiangratham ne doh khnai, doh ksew, bad kiwei kiwei de ki jait mrad ka la kylla long ka jingrwai ka ba hit tam.
Ia kane, ba ubah Sanbor ula kren ba yn nym khang bam doh masi ha meghalaya kadei myn ha ka sngi thohdieng ka 06 tarik Nohprah 2024 ha ba iakren bad kilad pathai khubor.
Ka jingkren ubah Sanbor ia kitei ki kyntien kadei hadien ba nakaliang u Myntri rangbah jong ka Jylla Assam u Himanta Biswa Sarma ula hukum ia ki paidbah ka jylla Assam ban nym bam ia ka doh Masi ha kino kino ki jaka khawai, jaka bam bad ha kiwei kiwei de.
Ubah Sanbor Shullai ula ong, ba ha ka jylla Meghalaya kashong beit ha ki paidbah ban bam ia kano kano ka doh, la kalong ka doh Bseiñ, Ñiangratham, Khnai, ksew, da kaba ula ong ruh, ba ma u ruh u dang bam doh Ksew ba la pynshet da u paralok ha ki taiew ba la dep.
“Ngin nym lah ban khang ia ki paidbah ban bam doh Masi namar kadei ka jingkwah jongki nad ka shong ha ki ban bam ia kano kano ka doh ruh”, la ong ubah Sanbor.
Phi don ban ong eiei?