Nongpoh:Ha ka por ba dang iaid ka jingkren kum u MLA, ha ka por ba u Bah Prestone Tynsong, u la leit ban buh ia u Mawnongrim na bynta ban shna noh ia ka surok na Nongpoh sha Umden, u Bah Mayraldborn Syiem, MLA Nongpoh, u la jaw ummat hi brup bad kata ka dei, ba u la sngew myllung eh na bynta u Bah Prestone Tynsong, kum u Myntri Sorkar bad kum u nongialam ha ka jylla, hynrei u mad ia ki jingshah kynthoh kiba laiphewjait ha ki paidbah hapoh ka jylla.
Ha kaba nyngkong, u Bah Mayraldborn Syiem, u la panmab na u Bah Prestone Tynsong ha ka kyrteng jong ki paidbah jong ka Nongpoh Constituency, ioh lehse la don ki paidbah na Nongpoh, kiba la kren tohmet ia u Bah Prestone Tynsong, hynrei ki khlem da tip pat ia ka jinglong ba shisha jong u Bah Prestone Tynsong.
“Nga lap bad shem ba u Bah Prestone Tynsong, u dei u briew uba ka ktien bad ka kam ka iaid ryngkat ryngkat, uba dei ruh u briew u bym kular kai ne shu pynbiej ia ki briew, hynrei ia kaei kaba u kular u pyndep beit bad halor kata ka dei halor ka jinglah u Bah Prestone Tynsong, ban pynurlong ia ka surok na Nongpoh-Umden sha Sunapur, kaba u la kular ban pynioh ia ka jingpynmang tyngka, kaba dei ruh ha ka por ka ia kaba u Bah Prestone Tynsong, u long kum u Myntri ka tnat PWD” ong u MLA Nongpoh.
Nga sngewktah eh, ban iohi ia ka jingshah kynthoh jong u Bah Prestone Tynsong, ha kaba ki briew baroh baroh ki la shu kynthoh ia u, khlem da tip pat ia ka jingshisha, hynrei nga lap pat ia ka jinglong nongialam ba shisha jong u Bah Prestone Tynsong, namar ba um ju pynsngap ia ki jingshah kren sha kynthoh, pynban u iaid beit ban pyndep la ka kamram lajong, na bynta ka jingmyntoi jong ki paidbah ha ka jylla hi baroh kawei, pynkut u MLA Nongpoh.
Phi don ban ong eiei?