Shillong:Ka High Court of Meghalaya, mynhynnin ka sngi, ka la shim bishar halor ka jingmudui jong ka Central Bureau of Investigation (CBI) pyrshah ia ka kong Ampareen Lyngdoh bad nangta sa ka jingmudui jong ka kong Ampareen pyrshah ia ka CBI bad kumjuh ia ka jingmudui jong U Jeffrey D Sangma, pyrshah ia ka CBI.
Ha kane ka mukotduma, ki don lai ngut kiba la shah kynnoh bad kitei ki kynthup ia ka kong Ampareen Lyngdoh, kaba dei ka myntri ba mynta jong ka sorkar jylla bad ka jingmudui, ka dei halor ka jingleh beain, ha ka rukom thung ia ki Assistant Teacher LP School lane kaba la sin ba ka dei ka jingtah sia lieh, ha u snem 2008-09. La lap da ka kashari, ba ka jingtohkit ia ki 20ngut ki sakhi, ka la nang iaid shakhmat bad kiba dei ban shah tohkit, ki don baroh 162 ngut bad na ka liang jong ka myntri jylla, ka iathuh, ba ha katei ka chargesheet, kam don kano kano ruh ka jingrai pynrem ia ka.
Ha ka kashari, la iakren ba katei ka mukotduma, ka la shim por slem palat, kaba long haduh 13 snem kynthih bad la ong ruh ba lada ka kashari, ka mynjur ban sangeh noh ia ka jingshim bishar, kumta katei ka kam kan sa shu kut noh kumto, hynrei la ong shuh shuh, ba lada iaid pat shakhmat ban shim jingtohkit ruh, kan long kaba eh shibun ban lum ia ki sakhi na kitei ki 162ngut ki briew, namar ba ka jingshim sakhi ia shibun ki briew, kan long kab shu pynbunkam bad pynthut khlem daw.
Ka kashari, kumta ka ai jingmut ia ka CBI, ba ka dei ban pynduna ia ka jingshim sakhi bad la buhpor ruh ban tian bishar biang ia katei ka kam, ha ka 20tarik Rymphang 2025.
ka mut lah jop ki nongtuh….
There is no justice for the poor for even justice is blind before the law..
This is one reason why a common man loses interest in the justice system/politics/politicians as they are misled/led from left,right and centre.
The state of Meghalaya has failed.