Guwahati:Hadien ka jingkhang doh masi dang shen ha baroh ki jaka paidbah jong ka Assam, ki nongialam jong ka Kerala jong ka Bharatiya Janata Party (BJP) ki la pynpaw ia ka jingsngewkhia ba katei ka sienjam ka lah ban phah ia ka “khubor kaba bakla sha ki briew” lada ym batai bha.
U Vice president ka BJP ka Kerala, u Major Ravi, u la kynnoh ba ka jingkhang kynsan ia ka doh masi, ka lah ban long kaba la batai bakla. U la pynpaw ba ka donkam ban sngewthuh ia ka jingiapher hapdeng ka doh masi bad ka masi. U la bynrap, “Ka doh masi kam dei ka masi… U CM um dei ban ong kumta, lada don kiba kwah ban bam, ki dei ban bam,dei ban don ka jinglaitluid ban bam ia kaei kaba phi kwah.”U Ravi u la kdew ruh ba ka doh masi ka thew ia ki muid bad ki masi, bad ba ka don ka iew shalan doh masi kaba kongsan ha India, ha kaba kiba bun ki karkhana ki don ha Uttar Pradesh.
U la maham ba ka jingkhang kaba pura ia ka doh masi ka lah ban wanrah ia ka jingiakynad hapdeng ki jaidbynriew.Ka ain pynneh pynsah ia ki masi jong ka Assam jong u snem 2021 ka la khang lypa ban die ne thied ia ka doh masi bad ki mar doh masi ha ki jaka ba bun ki nongshong shnong ki Hindu, Jain, Sikh, bad kiwei kiwei ki bym bam doh masi, ki shnong ki thaw, lane hapoh ka jingjngai kaba 5 km na ki temple ne kiwei kiwei ki ki jaka pule jong kiwei ki niam.
Phi don ban ong eiei?