Jurip CHC U MDC ka Umsning

Nongpoh 27, Naiwieng:
U MDC ka Umsning Konstituensi, Bah Don kupar Sumer, u la jurip ia ka CHC ha Umsning kaba don shibun ki jingduna ym kumba la khmih lynti ki paidbah.
U MDC u la leit ban peit ia ka hadien ka jingiohpdiang shibun ki jingud jingman jong ki paidbah ha kaba ia dei bad ka jingbym biang jong ki doktor bad kiwei ha kane ka CHC.
U Bah Sumer u la pynpaw ia ka jingkyndit ban lap ia ki jingduna bapher bapher kiba don ha kane ka CHC ha Umsning kaba ju ai jingshakri ia ki phew hajar ngut ki paidbah ka thain Umsning bad Mawhati.
“Kane ka CHC kala ai jingshakri mynta da ki phew snem hynrei ka don mynta tang ar ngut ki doktor khlem doktor specialist”, kren diaw u Bah Sumer.
Wat ka mashin X-Ray ha kane ka CHC mynta la palat 15 snem eiei kam pat lah ban pyntreikam ia ka tang namar ki daw ki bym lah ban tip bad u la ong ba un iakren bad ki heh sorkar jylla khamtam ruh ia u Myntri ba dei peit ia ka tnat ka Koit ka Khiah halor kane ka jaka sumar.