Shim kabu ki kali kamai, na ka 108

Shillong,4 Jylliew:
Ha ka jingdheng kali kaba khah khah bun na ki kali kamai ki la shim kabu da kaba bud na dien jong ki kali 108 kiba kit nongpang. Ka jingshim kabu jong ki kali kamai kynthup ia ki Taxi bad ki sumo ka long ba haba ki iohlad ban bud nadien ka kali 108 kitei ki kali ki ju suh hi wut ban beh thong ia ka namar ba baroh ki kali ki pyllait lynti ia ka 108 ban iaid bad kumjuh ruh ma ki ki ioh lad daka ba suk ban knieh lain.
Bun na kiwei pa ki kali kamai ki ju khnium ia katei ka jingleh khlem akor jong ki para kali jong ki da kaba kynnoh lai phew jait ia ka jingleh lalot jong ki. Ka daw jong ka jingbym lah ban teh la kam ia katei ka jngrak rak jong ki kali kamai ka dei namar ba kim ju leh ia katei ka kam ha ki jaka sor, hynrei ki ju leh ha ki jaka kiba kham kyndong kum ha ki surok jong ka thain Upper Shillong kiba don ha ki khap 101, lai mer ter ter.