Phet iam rem ki nongtrei, ka MCCL bym wan u MR

Shillong, 27 Naiwieng:
Ki nongtrei ka Mawmluh Cherra Cement Limited Employees Union (MCCLEU) ki la hap ban phet iam rem noh na Secretariat hadien ba u Myntri Rangbah u Mukul Sangma um shym la wan ban iakynduh ia ki hadien ba la dep iabuh sngi ban long mynta ka sngi por 3:30 baje janmiet.
Ha ka jingshisha, ki nongtrei jong ka MCCLEU ki la ap ha Secretariat naduh 3 baje duna eiei bad ki la ap khui ban wan u Myntri Rangbah haduh 4:10 baje janmiet haduh ba kynsan kynsan la pyntip ba um lah wan satia namar ba don ha ka jingsngew shitom ha ing.
Kane ka khubor ka la pynsngewsih noh ia ki nongtrei ka MCCLEU namar ba la shu pyntip kynsan kynsan ha ka khyllipmat ba khadduh.
Ha ka jingshisha, ki nongtrei ka MCCL ki la dep ia pynbeit sngi ban iakynduh ia u Myntri Rangbah hynne ka sngi ban iakren ban kyrpad ia u ban tuklar ban pynlait noh ia ka tulop jongki haduh 10 bnai mynta kaba la buh jingeh kaba shyrkhei ia ki nongtrei ban pyndap pynbiang ia ki jingdonkam ha iing ha sem.“ngi hap leit noh namar ba u Myntri Rangbah um shym lah ban wan. Ki ong ba u shitom”, la ong ki nongtrei ka MCCEU.
Ki nongkitkam jong ka MCCEU kynthup naduh u president Bah S Wahlang bad kiwei ki la wan sha kane ka jingiabuh sngi hynrei ki hap ban leit phai noh.