Khot U bah Lapang ia ka DC, ban ia kren jingeh ha Bhoi

Shillong, 27 Naiwieng:
Ka Deputy Commissioner ka Ri-Bhoi District ka Dr.Pooja Pandey ka la khot ia ka jingialang mynta ka sngi ha Nongpoh hadien ba la bthah da u bah D.D Lapang uba dei u nongaibuit ba rangbah duh ka sorkar jylla bad kumjuh ruh hadien ba la bthah da u Dr.C Lyngdoh Parliamentary Secretary ba kan lum ia ka jingialang mynta ka sngi. Ha katei ka jingialang kitei baroh ar ngut ki la donlang bad la don ruh u DSP Ri Bhoi, DTO, Nongpoh, ki ophisat ka NAHAI, ophisar ka ILFS, ka Truck Owner Association, Jaintia Hills, Sumo Association Nongpoh bad Auto Association Nongpoh.
Ha katei ka jingialang la ia kren bad ia phylliew ia ka jingeh ba ki paidbah ka Ri-Bhoi ki ia kynduh bad hadien la shim ia ka rai ba kin dawa ba dei ba pynbun ia ki jingshna ban phiah pyniakhlad ia ka surok Gs Road ha kaba ki la pan kawei ha Byrnihat, 3 tylli ha Nongpoh,kawei ha Umnget, ha Umran Diary bad ha Sohbhala Nongthymmai mar kawei kawei. La ia kren ruh ia kiba bun ki mat ha kaba ia dei bad ka ijngshngaiñ ha kaba niah kali naduh ki laisen niah kali haduh ka rukom thoh sign board ha rud surok.La rai ruh ban thaw ia ka komiti ban peit ia ka jingshngaiñ ka iaid ka ieng kaba la tip kum ka GS Road Safety Committee ha kaba ia katei ka komiti yn khlieh da ka DC ri Bhoi kum ka Convener.