Pyllait ka Supreme Court ban tih Mawshun

Shillong, 26 Naiwieng:
Ka Ing bishar ba ha khliehduh ka ri ka Supreme Court ka la pynmih ia ka hukum mynta ka sngi ba la shah ban tih mawshun ha kane ka jylla hynrei hap ban bud beit bud ryntih ia ki kyndon jong ka Aiñ Mariang ka Environment Protection Act 1986.
Katkum katei ka hukum jong ka Supreme Court ka la ong ba ki trai mawshun ki hap ban pynbiang ia ka laisen lane ka Lease na ka State Environment Impact Assesment Authority (SEIAA) katkum ki kyndon ka Environment Protection Act 1986 hynrei shuwa ban ai ia ka laisen ki hap ban pynbiang shuwa ia ka rukom tih jong ki (Comprehensive Scheme) bad ka jylla ka hap ban buh ia ka mang tyngka kaba thikna ban pynlut na ka bynta ban pynbha ia ka mariang.