Shillong:Ka Sorkar Pdeng ka la pyllait ia ki Grant Fifteenth Finance Commission (XV FC), ka bynta kaba nyngkong jong ki Untied Grant na ka bynta u snem mang tyngka 2021-22 kiba kot sha ka T.27.00 klur na ka bynta ki bor pyniaid shnong ha ki jaka nongkyndong ha Meghalaya. Kine ki fund ki dei na ka bynta ki lai tylli ki Autonomous District Council (Khasi, Garo, Jaintia) jong ka jylla.
Ka Sorkar Pdeng ka la pyllait ruh ia ki Grant Fifteenth Finance Commission (XV FC) na ka bynta u snem mang tyngka 2021-22 na ka bynta ki bor pyniaid shnong ha ki jaka nongkyndong ha Kerala na ka bynta ka bynta kaba ar jong ki Untied Grant kiba kot sha ka T. 266.80 klur. Kine ki fund ki dei na ka bynta 14 tylli ki District Panchayat, baroh 152 tylli ki Block Panchayat kiba dei ban ioh ia kane bad baroh 941 tylli ki Gram Panchayat kiba dei ban ioh ia kane ha ka jylla.
Ka Sorkar India lyngba ka tnad Panchayati Raj bad ka tnad Jal Shakti (Tnad Um Dih bad Jingkhuid jingsuba) ka ai jingmut ban pyllait ia ki Grant XV-FC sha ki jylla na ka bynta ki bor pyniaid shnong ha ki jaka nongkyndong bad ia kine la phah sha ka tnad Kam Pla Tyngka. Ia ki grant la pyllait ha ki ar bynta ha uwei u snem mang tyngka.
Ki Untied Grant kiba la ai sha ka bor pyniaid shnong ha ki jaka nongkyndong ki dei kiba la ai na ka bynta ki jingdonkam ba kyrpang katkum ki jaka hapoh Arphew khyndai (29) tylli ki phang ba la batai hapoh ka Eleventh Schedule jong ka Riti Synshar, kiba lait na ki jinglut jingsep na ka bynta ka tulop bad kiwei kiwei ki jinglut jingsep. Ha kajuh ka por, ki Tied Grant ki dei na ka bynta ka jingkyrshan ia ki kam kiba kongsan ba kynthup (a) ki kam na ka bynta ka jingkhuid jingsuba bad ka jingpynneh ia ka jinglong Open Defecation-Free (ODF), ka jingpeit ia ka kam bret niut na ki iing, ka jingpeit ia ka kam pynkhuid ia ki jaboh jabain na ki painkhana bad (b) ka jingpynthikna ia ka jingioh ia ka um dih ha ryngkat ka jinglum ia ka um slap bad ki kam ban pyndonkam biang ia ka um.
Ka Sorkar India ka dang pynkhlain ia ka bor synshar jong ki bor pyniaid shnong ha ki jaka nongkyndong da kaba pynkupbor ia ki Panchayati Raj Institution (PRI) / ki Rural Local Body (RLB) lyngba ki Grant Fifteenth Finance Commission (XV FC). Kine ki fund ki long kiba donkam bha ban plié lad, wanrah jingbahkhlieh bad ka bor kyrshan dalade ha ki PRI / RLB, bad kane ka wanrah ia ka roi ka par kaba iaineh ha ki jaka nongkyndong. Kane ka sienjam ka iahap bad ka jingthmu ‘Sabka Saath, Sabka Vikas, Sabka Viswas, Sabka Prayas’ jong u Myntri Rangbah Duh, Narendra Modi bad ka kyntiew ia ka roi ka par ia baroh bad ka jingiashim bynta ha ka synshar paidbah. Ka pynskhem ia ki PRI/RLB kum ki rishot ba kongsan ha ki kam jong ka ri na ka bynta ka roi ka par bad ka don bynta ha ka jingthmu Viksit Bharat.
ta te lah party ki MDC mynta…Lah ioh ha shuwa ka MDC election te lah kmen ki expired MDC..
Kane ka pisa ka dei ban leit jing shisha sha ki shnong nongkyndong bad ngin buddies shaei phi pyndonkam…da kane ka pisa NO ban ai tulop iaki staff employees ka council..Ka dei beit for community development, school upgradation,Agriculture,Rural water drinking,rural roads,children infrastructure, village infrastructure,Creche in villages,Cold storage etc…