Shillong 12 Naiwieng: Kalong kaei kaei ka khubor ka ba pynsngewtynnad bad pynkyndit ia ki paidbah ka jylla baroh kawei, ha kaba i wei i heprit, ia iba la tip kyrteng i Graham Jones Kharnarbi, iba don ha ka rta ba 12 snem, watla i don ha ka jingduna ha ki dkhot met, bym lah iaid, hynrei i la wanrah kanam ka burom ia ka jylla bad ia ka iingkasem, da ka ba i ioh khur ia ka Gold Medal ha ka Asian Arm Wrestling cup 2024, ka ba la long naduh ka 19 tarik bad la pynkut pat ha ka 27 tarik October 2024, ha Mumbai.
I Graham Jones Kharnarbi iba la don 12 snem ka rta, i dei i khun ba ar jong i bah Terence Jones Lyngskor bad jong i kong Suzie Kharnarbi ki ba shong basah ha Jaiaw Laitdom, Shillong.
Ki khynnah ba mih khmat na ka jylla kidon haduh 21 ngut bad ki ba wanrah ia ka gold medal kidon haduh 19 ngut, kynthup ia ki kynthei 10 ngut bad 9 ngut ki shynrang, ba la ialam da i kong Sumita Kshiar na ka Meghalaya Arm Wrestling Welfare Association (MAWA).
Kane kadei ka sien ka ba nyngkong ia i heprit Graham Jones Kharnarbi ba i leit iakhun ha ka International katba hapoh ka jylla pat i la dep iakhun bunsien, ba kynthup ha ka Open meghalaya arm wrestling and para arm wrestling champion 2024, Shillong arm fight all India Champion bad kiwei kiwei de.
Kumta na ka liang u MLA ka thain u bah Adelbert Nongrum kum ka jingmynsiem ia i heprit bad ia ka iingkasem, ula leit ban ai ia ka khusnam (award) mynta ka sngi baar ka 12 tarik Naiwieng 2024 ha iingsah, ha ryngkat ruh bad ka song pisa, ka ba 30 hajar tyngka.
Ha ba kren lyngkot ha kane ka sngi, bad kum ka jingaimynsiem u bah Adelbert ula ong, ba i heprit Graham Jones ym tang ba i wanrah ka nam ia ka iingkasem bad ia ka shnong ka thaw hynrei ia ka jylla hi baroh kawei.
Kum u MLA uba hap ban peit lang ia baroh ka roi kapar ka sap ka phong ki khun samla, khamtam eh ha kum kine kipor ka jingiakhun ia kikam sniew ki ba bun rukom bad ban ia khun ia kita ki kam sniew ki khun samla kidei ban pynmlien ha ki jingialehkai sports, la ong ubah Adelbert.
Shuh shuh ula ong, ba i Graham Jones ila long shisha ka nuksa nakabynta kiwei pat.
Ha ba ioh ban iakren pat bad u heprit Graham Jones ula pynpaw ka jingaikhublei ia ki kmie ki kpa ki ba la ai mynsiem ia u naduh ba sdand ban poi shaduh kane ka thing bad ula ai khublei ruh ia ki bahaiing hasem baroh ki ba la ai ka jingkyrshan. Bad ula ong, ba dei ruh da ka jingialam lynti jong ka MAWA ba u sa poi kylleng kylleng sha bar ban lehkai.
U heprit Graham ula iathuh, ba ha kapor ba u iakhun naduh ka ba sdang um don kata ka jingduh jingkyrmen ne syir mynsiem ban iakhun bad kiwei pat hynrei udon beit ka thong ban iakhun pynjop ban wanrah nam ia ka jylla bad ia ka Ri India baroh kawei.
Kumta u heprit Graham Jones ula phah ka khubor sha baroh ki samla ki ba don shisha ia ka sap ka phong ba kin ialehkai bha, la ha kino kino ki jingialehkai ki ba ki sngewbang ban ialehkai, da ka ba ula ong, ba wat ma u, u bym lah ban iaid hynrei u pyni ia ka sap da ka ba iakhun kti bad wanrah burom syndon ia ka kylla nad ki samla ba biang kamet ka phad kidei ban pyni shisha ia ka sap ka phong jongki.
MLA North Shillong ban leit ai ka appreciation haduh iing ia ine I arms wrestling champ is the perfect example of humility…
VPP is showing they are truely servants of the people…Now we want a change and that change starts from MDC.
kum ha America ba kwah palat ka jing Kyla ki jied ia u Trump mynta ngin ailad ia u Trump Khasi & Jaintia,conservative, right leaning government…No woke culture..
kawei ka jaidbynriew hapoh uwei ublei ba im