Shah pynpra ka jaka sah u VC ka NEHU, julor ki iit kali

Shillong: Ka jaka sah jong u Vice Chancellor ka skulbah NEHU ka la shah pynpait ia ki jingdon hapoh ka iing kum ki shuki, bad ki iit. Ym tang katta, ka kali kaba don ha katei ka jaka la iohi ba ki iit kila pait lut.

Katkum ka jingtip, kane ka la jia mynta ka sngi, ha kaba ka jingiakhih jong ki samla pule kane ka skulbah ka dang iaid sha ka sngi kaba san. Ki samla pule kila pyllong ia ka jingiakhih da kaba shah thngan khlem pud bad khang dam ia ka NEHU bad dawa hiar shuki syndon ia u Vice Chancellor u Prof. Prabha Shukla Shankar hadien ba ula pyneh ban weng kam ia u Registrar bad Deputy Registrar.

Ha kane ka jingiakhih ki samla pule ka NEHU, ki nonghikai bad ki kynhun sengbhalang kila ai ka jingkyrshan kaba pura.

Ka jinglong jingman hapoh NEHU ka la huri hura bha namar ba ki samla pule kila pyllong ban bteng ia ka jingiakhih haduh mynta namar ka jingiapyneh hapdeng u VC. La ioh jingtip ba u VC um don ha NEHU bad u la leit sah sha kawei ka jaka bym lah ban tip na ka jinglong jingman ha katei ka skulbah.