Da ka Mizo Territorial Force, dawa U MR ka Mizoram na ka sorkar India

Aizawl:U Myntri Rangbah ka Mizoram, u Lalduhoma, ha ka 28tarik Risaw, u la kyntu ia U Rajnath Singh, myntri kam pohiing ka ri, ba un thaw ia ka ‘Mizo territorial force’, ong u heh sorkar.

Utei u heh sorkar u la pyntip ba u myntri rangbah ka Mizoram u la pynpaw ia katei ka jingdawa ha ka jingiakynduh dang shen bad u Singh, ha kaba yn thung kam, tang ia ki samla Mizo, u la bynrap.
Shuh shuh, u myntri ka sorkar pdeng u la pynthikna ia u Lalduhoma ba un sa buh ia kane ka kam hakhmat ka Cabinet Committee jong ka Centre halor ka jingshngain, kumba la ong une u heh sorkar.

Shwa ia kane, u CM Lalduhoma u la plie paidbah ia ar tylli ki digital dashboard ba thymmai – ka Sustainable Development Goals (SDG) Dashboard bad ka Mizoram State Project Monitoring Dashboard (MPLAN), ha ka Conference Hall jong ka tnad Planning and Program Implementation Department.
Ha ka jingkren jong u, u myntri rangbah u la ban jur ïa ka jingdonkam jong ki projek pynroi ba neh kum ka bynta ba kongsan ha ka jingroi jong ka Mizoram. U la kdew ba ka sorkar jylla kan buh ia ka lynti treikam na ka bynta kine ki jingthmu, da kaba buh ia ki mat ba kongsan ki ban paw ha ka SDG Dashboard.