Lap ka NATO, ba la phah da ki shipai ka North Korea ban hiar thma ha Ukraine

New Delhi: Ka NATO ha ka sngi Nyngkong, ka la pynthikna ba la phah ïa ki shipai jong ka North Korea sha Russia ban ïarap ha ka thma jong ka pyrshah ïa ka Ukraine bad ba ki don ruh kiba la dep ban buh ha ka thaiñ Kursk jong ka Russia, ha kaba ka Russia ka dang ïakhun pyrshah ïa ka jingwan hiar thma jong ka Ukraine.

“Mynta ka sngi, nga lah ban pynthikna ba la phah ia ki shipai jong ka North Korea sha Russia, bad ba ki kynhun shipai jong ka North Korea, la phah sha ka thain Kursk”, la ong u secretary-general jong ka NATO, u Mark Rutte, ha ki nongthoh khubor. “Ha ka jingïadon bynta jong ka North Korea ha ka jingïakynad bad ka pyni ka jingpynheh kaba shyrkhei ïa ka thma jong ka Russia” ula ong shuh shuh.

Kane ka jingkren jong u ka long hadien ba ka kynhun ba ha khlieh duh jong ka South Korea kynthup ïa ki heh jong ki tnad wad bniah bad ki heh shipai bad kumjuh ruh ki heh nongmihkhmat ki la pyntip sha ki 32 ngut ki nongmihkhmat jong kane ka kynhun ha ka jaka treikam jong ka NATO ha Brussels.