Shillong: Ka Joint Action Committee War Jaintia, ba kynthup ia ka WJSU, FKJGP WJ &HYC WJ ka lah shong jingialang mynhynnin ka sngi, ha Amlarem.
Ha kane ka jingialang lah ia don lang u bah S Syngkor Vice President bad U Everest R Langstang General Secretary ka WjSU, U Bahshlur Mukhim President bad U Namdichai Lamare General Secretary ka FKJGP Wj, U Youdahunki Shylla President bad U Tohmondiam Mukhim bad ki Secretary kine ki 3 seng.
Ka JAC War Jaintia ka la shong kyrkieh ia kane ka jingialang hadien ba lah phah ia ka jingbuhpor ba khatduh, ba la ai ia ka Land Port Authority of India,New Delhi ban beh ne pynkynriah ia u manager ka Dawki ICP bad ka seng kan pynkhreh ia ka jingiakhih lada ka Land Port Authority of India ka sngap jar sa ha kane ka jingai por kaba mynta, kaba la phah ha ka 28tarik Risaw 2024 ba lah buh 15 sngi ban beh ia utei u briew.
Ha Kane ka jingialang lah ia thir, bad ia tainia bha kumno ba katei ka kynhun kan leh, lada ki bor ka LPAI ki dang sngapjar halor kane ka jingbuh por ka JAC Warjaintia
Ha kane ka jingialang lah thung ia u Bahshlur Mukhim President FKJGP Wj kum u Chairman ka JAC War Jaintia ban pyniaid ki jingialang ka JACWj na ka bynta 4 bnai naduh ka 1tarik Naiwieng 2024 haduh ka 1tarik Lber 2025. Ka jingialang, ka la rai ban thung ia u Alban K Gashnga(Chief Adviser ka WjSU) kum u Chief Adviser ka JACWj bad ha kajuh ka por kum u Non Executive Spokesperson ka JACWj.
Ka jingialang ka lah rai ba hapoh kine ki 15 sngi kum ka jingpynkhreh ia ka jingiakhih ban weng ia u manager ka Dawki ICP ban khot jingialang ia ki Rangbah shnong sawdong sawkun ka Dawki ICP, ban khot jingialang ia ki seng ki nongkhaii, ki exporters bad Owner & Driver truck Association, U Dolloi ka Elaka Darrang bad elaka Nongtalang, ban ia phylliew jingmut halor kane ka mad ki jingeh ki para thain ba ki ia kynduh.
Ka JACWj ka kyntu kynpham ia ki paid ka thain ban ai ka kti ka diang ka kti ka mon ban kyrshan tyngeh ia ka kynhun ki 3 seng ban beh ia utei dkhar ba wan leh trai khlieh sha kane ka thain, ong ka kyrwoh ba la phah da U bah Shlur Mukhim, Chairman ka JACWj, Amlarem.
peit ioh pynkham bai mluh mo..
iakhih tangba ka conclusion ruh ka dei bsn don um ban thut ka iaid ka ieng. Iakhih bad da don ryngkat ka mynsiem u blei.
ia kiba lehia tyngeh ..
khot lang iaki rangbah shnong/seng longkmie/sebg samla/seng longkpa..Baroh ba sngew iaka hok mih tylli..U poiei u wan kamai bad synshar donbor kumba leh u dohlieh…
To U Blei yn don ryngkat bad phi da ka jing trei shitom pyn sa jop bad da trei hok phin sa ioh ia ka bainong kaba hok..
To ieng rangbah kum u dieng Bilat U wei kum u Bah Ardent u dei shisha u khun dap shynrang i mei u iasait ha bun ki mat naka bynta ka jaitbynriew ko ki para ba ieid to ieng ha ka lynti kumba ieng u bah Ardent basawmoit phyn ym kyllon lada phi ieng da ka met bad mynsiem ba shida..