Shillong 29 Risaw: Ki nongniah kali kamai kiba ju pyndonkam ia ka jaka pynieng kali ha Stand Mawkyrwat, Iewmawlong ki la mih shakhmat ban pyrshah ia ka jingthmu da ki briew kiba wan shna ia ka dukan ha katei ka jaka pynieng kali.
Ha ka jingiakren bad ki nong pyndonkam ban ieng kali ha kane ka parking ryngkat bad u bah Offarland Jyrwa Secretary Mawkyrwat Buss Association jong kane ka parking u ba dei na Mawkyrwat u la ong, ba na ka liang jong ki hi kim sngew iahap ban shna dukan ha kane ka jaka pynieng kali namar kam dei ka jaka ban buh dukan hynrei ka dei ka jaka pynieng kali.
Haba pyrshang ban kylli na kitei ki nongpyndonkam ia katei ka jaka pynieng kali,ba mano ba dei ki trai kiba wan ban shna ia ka tei ka dukan, hynrei ki la ong, ba kim don jingtip eiei ruh halor kata bad ha kine ki sngi ki dang don kiba wan ban thew ia ka tei ka dukan ban shna.
Shuh shuh ki la iathuh ba lada ailad ban shna dukan kan long ka jingduhnoh kaba khraw namar ha katei ka jaka ka rung kumba 2 tylli ki kali ban pynieng. kumta ki la kyrpat na ka tnad municipal ba kin pynsangeh mardor ia ka jingthmu shna dukan ha katei ka jaka.
Kane ka Ri lah bun ba shu wan leh katba mon..da dei ba leh khasi tang daki second lah wan lah tied,lah beh…Balei haduh katne shah leh bein ma ngi ki khasi..Hato kane kam dei mo ka ri jong u khasi..Hato ngi long kum ki nong Gaza poiei mo?
Balei ngi shah jem kumne?Ka daw ba bun palat ki myndieri/khwan myntoi shimet suda.