Kiwei kim lah beh ia ngi, ngi dang tam shakhmat ha Gambegre, ong U Ma Sniawbhalang

Shillong: U Vice president ka NPP u bah Sniawbhalang Dhar ula kam ba ka NPP ka dang lam khmat ban ia baroh kiwei ki party ha Gambegre konstitwensi haduh mynta.
Ka elekshon shiteng sha ka Gambegre konstitwensi kan long ha ka 13 tarik Naiwieng ban wan.
Haba kren mynta ka sngi, u bah Sniawbhalang ula kam ba haduh shiteng miet hynnin ka sngi, ula ioh jingtip ba kiwei ki party kim pat lah ban beh ia ka NPP bad baroh ki don shadien.

Haduh mynta kiba la thep kyrteng ban iakhun na katei ka konstitwensi ki long ka Congress, TMC, BJP bad ka NPP.
“Haduh shiteng miet hynnin ka sngi, ka jingtip kaba ngi ioh ka long ba ngi dang lam khmat ma ngi ban ia kiwei ki seng sain pyrthei”, la ong u bah Sniawbhalang.

U la bynrap ba ka jingsahdien ka konstitwensi ha kine ki snem ba la leit, kan dei ka mat kaba kongsan tam ba ka NPP kan khring ia ki paidbah ka Gambegre ha kane ka elekshon shiteng samoi.
Ka NPP kaba ialam ia ka sorkar jylla kala pyniakhun da ka Mehtab Chandee Sangma kaba dei ka lok u myntri rangbah u Conrad K Sangma.