Shillong, Risaw 22: Ka Eastern Ri-bhoi Tourism Environmental ha ryngkat bad ka Tyrso Valley Wildlife Protection Society kala pynbna ban pynlong iaka Amur Falcon Festival 2024.
Ia kane la pynbna da u Bah Alos Nongpoh u Chairman ka Eastern Ri-bhoi Tourism Environment Development.
Haba kren shaki lad pathai khubor u Bah Alos u la iathuh ba iaka Amur Falcon Festival yn pynlong naduh 7-9 tarik Naiwieng ha Umroi Ri-bhoi district.
U Bah Alos u la iathuh ba iaka Amur Falcon Festival la sdang ha u snem 2015 bad haka sien ba nyngkong mynta yn kynriah noh ia ka Festival naka shnong Tyrso sha Umroi.
U la iathuh ba kine ki sim Amur Falcon kila sdang wan lypa sha kane ka thain naduh 15 tarik Risaw bad ki briew kila sdang ruh ban wan peit kai ia kine ki sim.
“Ka thong jong ka Amur Falcon Festival 2024 kadei ban ialap paidbah ba ngi dei ban ieid iaka mei mariang, iaki sim ki doh bad baroh kiba don jingim” la ong u Bah Alos.
U Bah Also u la ong ruh ba kane ka Festival kan dei ruh ban kyntiew iaka thain Ri-bhoi district haka kam jngohkai pyrthei.
Haba batai halor ka Amur Falcon Festival 2024, u Bah Alos u la pyntip ba ki don bun jait ki jingiakop naduh ka jingiakop tem DJ hapdeng ki nongtem DJ napoh ka Jylla Meghalaya, jingiakop Miss bad Mr Falcon bad ka Mr Falcon 2024.
Phi don ban ong eiei?