Nongkitkam shnong Umran-Niangbyrnai

Nongpoh,3 Jylliew:
Ka Shnong Umran-Niangbyrnai ha ka Durbar Pyllun kaba la long ha ka 1 tarik u Jylliew kata mynha ka sngi Saitjain ba la dep , ka la jied ia ki nongkitkam shnong Ba thymmai ha ryngkat ka jingdonlang ki ‘Riew don burom na Iing Syiem Hima Mylliem ki badei ki Myntri bad ki Basan, ha kaba ki Nongshong shnong ki la pynskhem ia U Rangbah Mark Kharhujon ban long u Rangbah Shnong ba thymmai bad u Rangbah Sylvester Kharbani kum u symbud Rangbah Shnong, U Rangbah Stephen Kharbani kum U Secretary Shnong, U Rangbah Ricky Wahlang kum u Treasurer bad shiphew ngut ki dkhot Executive Committee.
Kumta, halor kane ka jingioh Nongkitkam ba thymmai jong ka shnong Umran-Niangbyrnai, ka Durbar Shnong ka pyntip paidbah ia baroh ba nangne shakhmat, kino kino kiba iadei kam bad ka Shnong Umran-Niangbyrnai kiba naduh ki Office Sorkar, ki Seng treimon sngewbha ha ryngkat kino kino ki ‘riew shimet kin ia kynduh bad ithuh noh ia U bah Mark Kharhujon kum u Rangbah Shnong. Kane ka long ka jingpyntip katkum ka kyrwoh ba la pyllait paidbah da U secretary Shnong bah Stephen Kharbani.