Shillong:Ka jingkiew bathymmai jong ka Laitkor SC bad Nongrim Hills SC kin sa ioh burom da kaba ioh bynta jong ka OC Blue Shillong Premiere League 2024 kaba dang pyniaid shakhmat haba kin sa ieng ia iakhun ia ka jingialehkai ba nyngkong jong u aiom ba thymmai ha SSA Stadium jong ka First Ground, Polo, ha ka sngi balang.
Ka jingialehkai kaba heh bha jong ka OC Blue SPL, ba la pynbeit da ka Shillong Sport Association, kan sa wanrah ia 10 tylli ki club ha une u aiom, haba ka Mawlai SC kaba long ka kynhun lahduh, ka Rangdajied United FC kaba poi sha ka runners-up ha u 2023, ka Shillong Lajong FC bad ka Langsning FC kiba la shah pynliem noh ha ka simi phainal jong u snem 2023, ka Ryntih FC, ka Sawmer FC, ka Nongthymmai SC, ka Nangkiew Irat SC bad kumjuh ruh ka Laitkor bad Nongrim Hills.
Ka Sawmer ka la lah ban pyndep na ka kynhun ba hynriew napdeng phra tylli ki kynhun ha ka SPL 2023, katba ka Nangkiew Irat ka la long khatduh, hynrei ka SSA ka la rai ban pyniaid shakhmat ia ki jingialehkai ba la lehkai ha u aiom ba la dep, haba ka la pynshong noh ia ka Nongkiew Irat bad buh ia ka Nongthymmai ha ka jaka ba hynriew.
Ka jingangnud ka long kaba jur katkum ki jingkular ban wanrah ia ka jingialehkai kaba khluid jong ka jingialeh ha ka jylla kaba la pawnam halor ka jingieit ba ka don ia ka jingialehkai phutbol bad ka la wanrah ruh ia bun ngut ki nongialehkai kiba tbit na kane ka jaka.
Ka OC Blue ka la wanphai biang kum ka nongkyrshan ban ai lang ka kti kamon ia ka kynhun ba poi sha ka nam jingjop jong une u aiom bad u President ka SSA u Banteidor Lyngdoh u la pynbna halor ka jingplie ia kane ha ki ar taiew mynshuwa ba ia ka khusnam yn pynioh da ki song pisa. Haba yn ai arshah ha une u aiom kaba la pynkiew sha 6 lak na ka bynta ka kynhun ba rah ia ka nam lahduh. Ka kynhun ba poi sha ka runners-up kan rah sha la iing kumba 3 lak katba baroh ki club kin bteng ban ioh ia ka jingiasam ka pisa na ka jingioh khajna na ki jingdie tiket.
Phi don ban ong eiei?