309 ngut ki pulit ki ban pahara Puja, ki SOT, CRPF kin pahara ha Shillong

Shillong:U Superintendent of Police (SP) ka East Khasi Hills, u bah Sylvestar Nongtynger ula ong ba ka tnad pulit ka la pahara bha na bynta ban pyllong ia ka Puja kaba iaid beit da kaba suk ba sain.

Haba kren sha ki lad pathai khubor, mynta ka sngi, u SP u la ong ba na bynta kane ka jingleh kmen Puja, ki pulit kila buh 11 tylli ki Sector ban peit ki Dy. SP, Addl. Dy.SP, 31 ngut ki ophisar, bad 309 ki pulit, nalor ki pulit Special Operation Team (SOT), 5 kynhun ki Quick Action Force ki CRPF ba kin pahara ha man ki pandal puja.
U la ong ba ki Sector ophisar jong ka tnad pulit, kila iashong jingialang ruh bad ki nongialam ka Central Puja Committee khnang ba ka jingleh puja kan iaid beit.

“Ngi la buh 11 tylli ki Sector Officer ban peit da ki Deputy SP, Additional DSP, 31 ngut ki ophisar, bad 309 ki pulit, nalor ki SOT, bad 5 kynhun ki Quick Action Force ki CRPF”, la ong u SP.
U la bynrap, “Ngi la pynkhreh ba kin pahara ha man ki pandal puja. La iashong jingialang ruh bad ki CPC khnang ba ka jingleh puja kan iaid beit. La ai ia ki number ki pulit ba dei peit ha baroh ki puja pandal”.
Lah ban kdew ba ka Puja kan sdang ha kane ka taiew haduh ka sngi Nyngkong ban wan.