Ioh sei ki pulit SDRF ia ka kali ba rong ka um, dang jah rngai u kpa bad u khun

Shillong: Ki pulit jong ka Meghalaya’s State Disaster Response Force, hynnin ka sngi, ki la lap ia ka kali kaba la shah rong noh ha ka um, ha Dalu Sonagre bad katei ka kali, ka dei kaba don ia u number West Bengal(WB 06 7718, Wagon R) bad la sngewthuh ba katei ka dei ka kali, kaba u shong u kpa bad u khun jongu, ha ka por, ba ka shah rong noh ha ka umsaw.

Ki pulit SDRF, ki la thwet ia katei ka kali bad ha ka jingwad ki la lap tang ia ka kali, katba kim shym la lap satia ia u kpa bad u khun, kiba shong hangtei hapoh.

U SCR Sangma, Deputy Controller of Civil Defence, West Garo Hills district, u iathuh ba ia ka jingwad ia kiba jah, la sangeh noh hynnin ka sngi bad kan bteng biang mynta ka sngi bad katei ka kynhun ka don ha Dalu naduh ka sngi thohdieng, na ka daw jong katei ka jingshlei um kaba jubor bha.