Tang namar ka bhah kam, kynthih 7ngut ki MLA na iing 3 mala, sahkut hapoh jar

Mumbai:Hynniew ngut ki MLA jong ki jaitbynriew rit paid, ba kynthup ia uwei u MLA jong ka seng NCP Ajit Pawar, ba kynthup ia U Narhari Jhirwal, uba dei u lamphang dorbar khynnah jong ka iing dorbar jong ka Maharashtra, ki la kynthih na ka lai mala jong ka ophis treikam jongki, ha Manatralaya bad ki leit sahkut noh, ha ka jar kaba la pynap khnang ia ki ha katei ka jaka kaba ha Mumbai.

U Zirwal bad kiwei ki para MLA, ki pynlong ia katei ka jingryngkoh ha katei ka jar, kum ka dak jong ka jingsngew pyrshah jur jongki, ba la pynhap ia ka jaitbynriew Dhangar, ha ka bhah jong ki trai shnong rit paid.
Ki pulit, ki la hap ban leit law ia kitei ki 7ngut na katei ka jar, kaba ki leit sahkut la kum ki thapbawa, tangba ki la ia mynsaw malu mala, ong ka khubor.

U Eknath Shinde, myntri rangbah ka jylla bad U Devendra Fadnavis, symbud myntri rangbah lem bad U Ajit Pawar, kin iakynduh mynta ka sngi, ia kitei ki MLA, ban kylli halor katei ka daw, kaba pynlong ia ki, ba kin kynthih ialade ha katei ka jar.