Ha ka jingjia kaba sngewngiew shikatdei, uwei u doctor, uba 55 snem ka rta, ula shah siat iap mynta dang step phyrngab ha ka hospital ha Jaitpur, ha Kalindi Kunj jong ka Delhi, ha ki arngut ki briew, kiba kam ialade, ba ki dei ki nongpang bad kiba kwah ban shah sumar ha u doctor.
Ki nongtrei hospital, ki iathuh ba ki don arngut ki shynrang, kiba ha ka rta kaba 18 bad 19 snem, ki la leit sha ka Nima Hospital, ha ka por 1.30 dang step phyrngab, ban shah sumar na ka jingmynsaw jong ka jingmong ha ka shympriah kti jongu bad hadien ba ki la dep shah sumar, ki iathuh ba ki kwah ban iakynduh ia u doctor bad mar ia rung ha kamra jongu, ki la siat iap syndon ia u doctor Javed Akhtar. Mar ia ioh sngew ia ka jingsawa siat suloi, ki nongtrei, ki la leit mar mar sha kamra jong u doktor bad ki lap ba ka la phlei ka snam na ka met jongu.
Ki pulit, ki dang tohkit halor ka daw jong katei ka jingjia bad ki dang thwet jur ruh ia kitei kiba donkti ban pyniap ia u doctor.
ki briew ki la iap ka jingiatip lem Kim salia ban pyniap ia no2 to ngin duwai ba U Blei un sumar na kaba sniew😭😭