Liem 8ngut ki shipai Israel, ha ka jingiakhun bad ki ehrang Hezbollah ha Lebanon

Tel Aviv: Ha ka jinghiar thma ha ryngkew mynta ka sngi, ka Israel, ka la duh ia 8ngut ki shipai, ha kaba ki la shah siat iap ha ki ehrang Hezbollah, ha ki bynta ba shathie jong ka Lebanon.

Kine ki shipai kiba iap, ki long u Captain Eitan Itzhak Oster Captain Harel Etinger Captain Itai Ariel Giat Sergeant First Class Noam Barzilay Sergeant First Class Or Mantzur Sergeant First Class Nazaar Itkin Staff Sergeant Almken Terefe Staff Sergeant Ido Broyer.

Ka jingiap jong kitei ki shipai, ka dei ha ka jingiakhun kaba la jubor bha mynta ka sngi, hapdeng ki shipai Israel bad ki ehrang Lebanon, ha ki bynta ba shathie jong katei ka Ri, ha kaba ki shipai jong ka Israel, ki ia khun tyngeh bad ki ehrang Hezbollah.