Hukum ka High Court ia ki kompeni mobile

Shillong, 20 Naiwieng:
Ka Kashari Megha laya High Court ka la pynmih ia ka hukum ba baroh ki kompeni ba ai konekshon Mobile ha ka jylla kiba treikam ha Garo Hills ki dei ban ai jingtip sha ki pulit ia baroh ki Sim Card jong ki nongbat mobile.
Kane ka jingpynmih ka Kashari ka long hadien ba na ka liang ki pulit ki la ong ba ka jingioh lad ki lehnoh ban dawa pisa da kaba phah sms na ki mobile ka dei namar ka jingioh lad ban thied SIM Card pathar.
U GHP Raju u la ai jingmut ba baroh ki mobile phone, ki kompeni ba pyniaid ia ka kompnei mobile kum ka AIRCEL, AIRTEL, BSNL, IDEA, RELIANCE bad ka VODAFONE ki dei ban pyntip sha ki pulit wut wut ia ki Sim Card kiba pyndonkam ha rilum Garo.
U Raju u la iathuh ha ka Kashari ba ki pulit kim pat tip shaei ki lehnoh ki la rahbor ia u pulit langrut u Khomraj Bhattarai.“Hynrei ha kawei ka khubor bym pat pynthikna, la suba ba une u pulit u la shah pyniap”, la ong u Raju ha ka Kashari.“Ka sorkar ka dei ban ai jingiarap ia kiba haiing hasem jong une u pulit katkum ka ain ka sorkar bad ban thungkam sngewlem ia kiba haiing” la ong ka High Court.