La khie ka thma:Pynher namding ka Iran, 102 tylli sha Israel

Ka thma hapdeng ka Iran bad ka Israel, ka la khie mynta ka sngi, haba ka Iran, ka la ther 102 tylli ki namding sha Israel, kum ka jingpynhiar kput, halor ka jinghiar thma jong katei ka ri ia ka Lebanon. Ha ki dur, la iohi, ia kitei ki namding, ba la pynhap noh da ki tiar siat pynhap namding jong ka Israel, ha suin jong ka nongbah Jerusalem, ha ryngkat ki siren kiba sawa jur bha.

Ha ka jingthoh ha ka X, ki shipai ISF jong ka Israel, ki iathuh ba baroh ki riew paidbah, ki don ha ki jaka ba la iada bha, ba kin lait na kano kano ka jingma, na kitei ki namding jong ka Iran.

Ka jingther namding jong ka Iran, ka dei hadien ba ka IDF, ka la pynbna, ba ka la siat iap ia u heh duh jong ki ehrang Hezbollah. Na ka liang jong ka US, ka kren shai, ba ka kyrshan tyngeh ia ka Israel, ha ki jingialeh thma jongka.