Kem ki pulit ia u GNLA ba rahbor ia u BDO

Shillong, 20 Naiwieng:
Ki pulit mynta ka janmiet ki la ioh ban kem ia u dkhot ehrang ka GNLA uba donkti ban rahbor ia u BDO ka Chokpot ha une u bnai ba la dep.
Katkum ka khubor na ki pulit ia une u dkhot ba la tip kyrteng kum u Toberth G Momin, (24 snem) na shnong Ganggugre u dei uwei uba donkti ban rahbor ia u BDO ka Chokpot u Jude Sangma. U IGP (Operations), u GHP Raju u la ong ba u Toberth u shah thwet bha ha ki pulit la katto katne por bad mynta ka sngi ki la ioh syndon ban kem noh ia u.Na u, la ioh ban kurup ia ka motor bike, ka mobile bad lai tylli ki SIM Card ba pyndonkam na jylla Tripura.