Shillong: U myntri sorkar uba dei ruh u MLA ka BJP u bah AL Hek u la ong ba ka BJP kam dei ka party tang ia kano kano ka jaitbynriew hynrei ka dei na bynta baroh ki jaitbynriew ha ka ri India.
Haba kyntait ba ka dei ka party jong ki Hindu, u bah Hek u la ong ba ma u ruh u dei u Khristan hynrei u rung bad ka BJP naduh 1986 hynrei u iai long u Khristan. U la ong ba ka jingkynnoh ba ka BJP ka dei ka party Hindu, ka dei kaba bakla shibun bad ka jingong ba ka BJP kan pynkylla sha ka niam Hindu, ka dei tang ka jingkren lait jynhaw.
Katba u bah Mariahom Kharkrang u la ong ba wat ha jylla Arunachal Pradesh, kaba synshar ka BJP, kim shah ba un wan u Swami bad kumjuh ha Nagaland ha kaba ka BJP ka don lang ha ka sorkar kim shym la shah.
U bah Hek u la ong ba ka ri India ka dei ka ri synshar paidbah, ka shong ha u briew shimet ban mane laitluid.
Ha kawei ka liang halor ka jingthmu wan u Swami Acharya sha ka jylla u bah Hek u la ong ba ha ki jylla ba synshar ka BJP kum ka Arunachal Pradesh, kumjuh ha ka Nagaland ba ka BJP ka don lang ha ka sorkar, kim shah ban wan iuhkjat u Swami Acharya.
U la ong ba khnang ban lait na kano kano ka jingsngewthuh bakla ki paidbah kane ka jylla, ula iakren bad u myntri rangbah ka jylla u Conrad K Sangma bad kumjuh ia u Chief Secretary ka jylla ba ka sorkar kam dei ban shah ban wan iuhkjat u Swami Acharya ha kane ka jylla, khnang ban lait na kano kano ka jingbym sngew tynnad.
Khnang ban lait na kano kano ka jingthut ha ka shongsuk shongsain, u bah Hek u la ong ba ka sorkar kan ym ai jingbit ia ka Gau Rakshat Rally ha ka jylla Meghalaya.
andakanoon matlab andakanoon..
ko paidbah baieid da puson bad da peit kumno phin jied ki future leaders ioh kylla long kum ka Africa ha kaba riewspah lut tangba haka leadership ka duk haduh katta2.
Jied kita ki nongialam kum u Syiem David,Syiem Solomon,Joseph uba peit jngai…Shim nuksa naka Israel..