Ka shong ha ki nongkamai arshaka la ki bteng ban kamai ne kin sangeh shwa:Nongkynrieh

Shillong 27 Nailur: Ki nongniah arshaka ki ba hap hapoh ka Lama Jong ka Ride to Served ha ka 27 tarik Nailur 2024 , ki la leit ban iakynduh ia u Commissioner ka tnad Transport u David D Marak , ban pynsngew halor ka jingeh na ka jingbym ioh ia ka Individual Permit ban kamai arshaka hapoh ka nongniah Shillong .
     Haba kaba iadei bad ka jingiakynduh bad u Commissioner ka tnad  Transport, u  bah Nongkynrih u la iathuh ruh ba na ka Liang  u Commissioner u la kular ban shim khia bad Shen ka tnad kan sa shna noh ia ka  Meghalaya Vehicle Motors Rule, khnang ban lah ban pynbeit ia kane ka jingeh.

     U bah Nongkynrih u la iathuh ruh ba   kane ka jingdawa Jong ki nongniah arshaka,  ka dei kaba la slem hynrei ka Don ka jingbym shimkhia na ka Liang ka Sorkar , ka ba pynlong ia ki nongniah arshaka ban mad ia ka jingeh mynta .” Ngi ladep ban leit buh jingthoh ban pynsngew ia ka jingdawa Kum ki nongniah arshaka hynrei haduh mynta Kam shem la don Kano Kano ka jingshim khia , Kum ka kynhun ngi la pynsngew ba  Ki jingshakri jong ki Bike Taxi ki la mih kum kilad kamai kaba kongsan bha na ka bynta kiba bun ki samla kiba ïaleh ban wad ïa ka kam kaba biang ” u la ong ha ka dorkhas.
    U la bynrap , “Ki nongñiah bike taxi, kiba bun na ki ki dei ki samla kiba la tbit bha kiba la shim kabu ban pynbiang bike taxi .Ki jingshakri kum ka lad kamai ba kongsan jong ki namar ka jingeh ban ioh kam ioh jam.Nalor kata, ki don ruh ki samla pule kolej kiba shaniah ha ka kamai bike taxi ban kyrshan ïa la ka jinglut jingsep ha ka pule puthi. Ka jingithuh ia ka jingdonkam jong ka jingshakri jong ki taksi bike kum ka lad ban ka jingim jong ngi, ka long kaba kongsan ban pynthikna ia ka jingbha jingmiat jong ngi”.
    ” Ki nongñiah bike taxi ruh ki ïakynduh ïa ki jingeh kiba khraw ha ka por slap bad por lyiur haba
ka don ka jinghiar kaba jur ha ka jingdawa nongleit nongwan. Kane ka ktah beit ia ka jingmih jong ngi, kaba pynlong ia ka .kaba eh ia ngi ban pyndap pynbiang ia lade bad ia la ka iing ka sem ha kine ki por. Ka long ruh kaba donkam ban pdiang ba ka bynta kaba kongsan jong ki nongñiah bike taxi ki kamai tang na ka bynta 1000. 2-3 kynta shisngi namar ki jingeh shimet ne kiwei kiwei ki jingkitkhlieh. Kine ki briew shimet ki lah ban
ka jingialeh ban pynbiang ia ka jingdonkam ban siew khajna, kiba ju long katkum ka jingkamai”la ong.
    “Khnang ban pynbeit ia ka jingpeit bad jingpynbeit ia ki jingshakri jong ki bike taxi, ngi kyrpad sngewbha
ka Sorkar ban thaw ïa ka mobile application kaba kyrpang da ka jylla na ka bynta ki nongniah bike taxi. Kane ka app kan long kum ka lad kaba kham sted bad kaba shai ban peit ia ki jingtreikam jong ki jingshakri jong ki taksi bike. Bun ki nongñiah bike taxi ki pynpaw ïa ka jingkwah jong ki ban treikam laitluid ban ïa kaba long kiba iadei bad ki kompeni shimet. Ki kynthoh ba ka jingkamai jong ki ka kham heh shibun”la bynrap .
        Haba iadei bad ka jingkamai jongki, la kin pynsangeh shwa ne kin bteng ka jingkamai u bah Nongkynrieh u la iathuh, ba kane  kan shong ha ki nongniah arshaka namar ba ki kham sngewthuh khambha ia la ka jingduna ha ki ing ki shem Jong ki ” .

Lah ban kdew ba ha ka 26 Tarik Nailur 2024 , ki Motor vehicles inspector (MVI) Jong ka tnad Transport ki la pynlong ia ka jingtalashi ia ki kot ki sla Jong ki ar shaka ki ba kamai beaiñ, hakaba bun ngut ki briew ki ba kamai arshaka ki la shah bat bad la bthah ba kidei ban wan siew kuna haduh 10,000 tyngka  hapoh ka 15 sngi.