Shillong: Ka ïing ka sem ka la shaiong ngaiñ halor ka jingjia kaba phylla bad pynkyndit ia ka pyrthei, haba i khynnah ba dang 10 snem, ila phasi hi ialade.
Kane ka la jia ha shnong Thangshalai, ha ka thaiñ Mawryngkneng. Katkum ka jingiathuh kiba ha ïing, kane ka la jia ha ka 22 tarik Nailur 2024, kaba dei ka sngi u Blei.
I mei ieid jong ine I khynnah, I kong Airolin Kharumnuid ila iathuh ba kane ka la jia ha ka por kumba 2 baje tam eiei mynsngi, haba ine I khynnah kynthei ila pan mobile na ka hymmen, hynrei ka hymmen kala ong ba in pule shwa ia ka kot, namar ka don test khnang ba in lah bha, hynrei ha kata ka por, ila phet bak sha jingthiah da kaba khang ia ka jingkhang.
Khlem poi pyrkhat eiei ba in leh ia kane ka kam, hynrei dei ynda la wan ka para ar kmie, kaba la leit khot ban ialehkai hynrei haba I la khot, khlem don ba jubab eiei bad kane ka la pyllong ia I, ban leit peit noh na jingkhang ïit nabar bad hangta ila iohi ia ka jingjia bad ila pyntip ia kiba don ha phyllaw.
Mar mar ki leit ban peit hynrei ka jingkhang ka khang bad kila kyndar haduh ba kan plie bad haba ki rung ha kamra ki la lap ba ila phasi da ka jain da kaba teh na u dieng khainshi.
Ki la pyrshang ban ot ia ka jaiñ ban pyllait im, hynrei kam shym la seisoh shuh.
Kane ka jingjia, ka long kaba shyrkhei bad pynkyndit ia kiba bun khamtam ia ki kmie ki kpa ha kane ka pyrthei mobile.
Ha ka jingiakren bad u Secretary ka shnong Thangshalai, u bah Iohstar Kharumnuid ula pynpaw ia ka jingkyndit halor kane ka jingjia, ka bym pat ju jia koit. Ula ong ba kane ka jingjia kan dei ka jingsneng bad ka jinghikai ia ki kmie ki kpa kumno kin nang ban pyndonkam ia ka mobile ia ki khun jongki, ha kane ka pyrthei ba u soitan u hiar thma ban pynjot ia ki briew.
Haba iadei bad kane ka jingjia ba khyllah, la ioh ban iakren bad u secretary ka shnong Thangshalai, u bah Iohstar Kharumnuid uba la pynpaw ba kane ka dei ka jinghiar thma jong u soitan ia u briew da ka mobile phone.
U bah Iohstar u la ong ba kane ka jingjia kan dei ban long u diengsympat ia ki kmie ki kpa kumno ba kin hikai bad ba kin sneng ia ki khun jongki, khamtam ha kaba iadei bad ka mobile phone. U la ong ba kane ka jingjia ha katei ka longing ka dei ka buit jong u soitan ban hiar thma bad ka la dei ka pynkyndit ia ka pyrthei baroh kawei namar ba I khunlung iba dang 10 snem ka rta, ila leh ia kum kane ka kam.
U bah Iohstar u la ong ba wat kiba la heh la san ruh ki dei ban nang ban pyndonkam ia ka mobile phone, namar ba wat ki rangbah ruh ki la shah ialam ia ka bym dei lyngba ka mobile phone ha kaba ki pyllut por bun ha mobile ban ia kaba iasyllok ia ki para briew, bad ban iasyllok bad ki khun ki kti. U la ong ba ha jaka ban ai da ka mobile, ki dei ban ai da ka kotbah bible bad kito ki bym dei Khristan ki dei ban hikai ia ki khun ha ka lynti kaba dei.
Ka khubor kum kane kam dei ban ñiah ïa ki jingmut jingpyrkhat katba shu ïoh pule na sla. Ka dawa ïa ka jingtohkit basani bha namar ka jingpyrkhat ban phasi da i khynnah ba 10 snem ka pynartatien shikatdei.